ESPN xabariga ko‘ra, Madridning «Real» klubi Endrikni allaqachon kelasi mavsumda jamoa tarkibida foydalanishni rejalashtirmoqda.

Qayd etilishicha, 19 yoshli hujumchi yanvar oyida ijara asosida «Lion»ga yo‘l olgan, biroq «qaymoqranglilar» mazkur kelishuvni uzaytirish niyatida emas. Manba ma’lumotiga ko‘ra, yangi ijara varianti umuman ko‘rib chiqilmaydi.

Xabar qilinishicha, braziliyalik futbolchi fransuz klubi tomonidan bo‘lishi mumkin bo‘lgan takliflardan qat’i nazar Ispaniyaga qaytib keladi — «Real» barcha takliflarga rad javobini beradi.

«Lion» safidagi o‘yinlari davomida Endrik 5 ta o‘yin o‘tkazib, ularda 5 ta gol urdi va 1 ta golli uzatma amalga oshirdi.