ESPN хабарига кўра, Мадриднинг «Реал» клуби Эндрикни аллақачон келаси мавсумда жамоа таркибида фойдаланишни режалаштирмоқда.

Қайд этилишича, 19 ёшли ҳужумчи январь ойида ижара асосида «Лион»га йўл олган, бироқ «қаймоқранглилар» мазкур келишувни узайтириш ниятида эмас. Манба маълумотига кўра, янги ижара варианти умуман кўриб чиқилмайди.

Хабар қилинишича, бразилиялик футболчи француз клуби томонидан бўлиши мумкин бўлган таклифлардан қатъи назар Испанияга қайтиб келади — «Реал» барча таклифларга рад жавобини беради.

«Лион» сафидаги ўйинлари давомида Эндрик 5 та ўйин ўтказиб, уларда 5 та гол урди ва 1 та голли узатма амалга оширди.