"Manchester Yunayted" bosh murabbiyi Maykl Kerrik jamoa boshqaruvidagi ketma-ket uchta g‘alaba fonida uning ishida hech narsa o‘zgarmaganini aytdi.

Mankunianliklar bungacha "Manchester Siti" (2:0), "Arsenal" (3:2) va "Fulxem"ni (3:2) mag‘lub etgandi.

"Hech narsa o‘zgarmadi. Bu men qilayotgan ishni o‘zgartirmaydi. Klubdagi o‘rnim va mas’uliyatimni to‘liq his qilyapman.

Biz muvaffaqiyatli bo‘lishni xohlaymiz. Klub mavsum yakunida muvaffaqiyatga erishishini istayman.

Gap jamoani yaxshilash va "Manchester Yunayted"ni kuchliroq va doimiy ravishda rivojlanayotgan jamoaga aylantirishga urinish haqida ketmoqda. Lekin hech narsa o‘zgarmadi. Qisqa vaqt ichida natijalar hech narsani o‘zgartirmaydi.

Agar natijalar nimanidir o‘zgartirgan bo‘lsa, demak, nimadir noto‘g‘ri ketyapti. Yaxshilanishlar borligi yoki hal qilinishi kerak bo‘lgan bir nechta muammolar borligidan qat’i nazar, shoshilinch qaror qabul qilish mumkin emas. Bu barqaror taraqqiyot.

Futbolda hamma narsa bir zumda o‘zgarib ketishi mumkinligini bilasiz, shuning uchun biz xotirjamlikni saqlab, nima qilishimiz kerakligiga e’tibor qaratishimiz kerak", - dedi Maykl Kerrik.