"Манчестер Юнайтед" бош мураббийи Майкл Кэррик жамоа бошқарувидаги кетма-кет учта ғалаба фонида унинг ишида ҳеч нарса ўзгармаганини айтди.

Манкунианликлар бунгача "Манчестер Сити" (2:0), "Арсенал" (3:2) ва "Фулхэм"ни (3:2) мағлуб этганди.

"Ҳеч нарса ўзгармади. Бу мен қилаётган ишни ўзгартирмайди. Клубдаги ўрним ва масъулиятимни тўлиқ ҳис қиляпман.

Биз муваффақиятли бўлишни хоҳлаймиз. Клуб мавсум якунида муваффақиятга эришишини истайман.

Гап жамоани яхшилаш ва "Манчестер Юнайтед"ни кучлироқ ва доимий равишда ривожланаётган жамоага айлантиришга уриниш ҳақида кетмоқда. Лекин ҳеч нарса ўзгармади. Қисқа вақт ичида натижалар ҳеч нарсани ўзгартирмайди.

Агар натижалар ниманидир ўзгартирган бўлса, демак, нимадир нотўғри кетяпти. Яхшиланишлар борлиги ёки ҳал қилиниши керак бўлган бир нечта муаммолар борлигидан қатъи назар, шошилинч қарор қабул қилиш мумкин эмас. Бу барқарор тараққиёт.

Футболда ҳамма нарса бир зумда ўзгариб кетиши мумкинлигини биласиз, шунинг учун биз хотиржамликни сақлаб, нима қилишимиз кераклигига эътибор қаратишимиз керак", - деди Майкл Кэррик.