«Arsenal»ning sobiq yarim himoyachisi Aleksandr Gleb London klubining chempionlik poygasidagi imkoniyatlari haqida o‘z fikri bilan o‘rtoqlashdi.

Ekspertning fikricha, «to‘pchilar» Chempionlar ligasining umumiy bosqichida birorta ham mag‘lubiyatga uchramay, birinchi o‘rinni egallagani bejiz emas.

"Menimcha, jamoa tajriba to‘pladi, sarosimaga tushishni va hayajonlanishni to‘xtatdi. Bu ko‘p narsadan dalolat beradi. Shunday ekan, imkoniyatlar yaxshi!" — deya Glebning so‘zlarini keltirmoqda «RB Sport» portali.

24-turdan so‘ng «Arsenal» 53 ochko jamg‘argan holda Angliya Premyer-ligasi turnir jadvalida peshqadamlik qilmoqda. Eng yaqin ta’qibchi — «Manchester Siti» bilan oradagi farq olti ochkoni tashkil etadi.