«Arsenal»ning sobiq yarim himoyachisi Aleksandr Gleb London klubining joriy mavsumdagi muvaffaqiyatli natijalari siri nimada ekanligi haqidagi savolga javob berdi.

Glebning fikricha, klub rahbariyati Arteta va uning shtabiga to‘g‘ri ishonich bildirgan, ular esa, o‘z navbatida, o‘z uslublariga mos tarkibni yig‘a olishgan.

"Arteta — allaqachon top-murabbiy. To‘g‘ri, Mikelda hozircha salmoqli sovrinlar yo‘q, lekin «to‘pchilar» uning qo‘l ostida, ehtimol, bugungi kunda dunyodagi eng yaxshi futbolni namoyish etishmoqda", — dedi Gleb «RB Sport»ga bergan intervyusida.

Arteta 2019 yildan beri «Arsenal»ni boshqarib kelmoqda. Joriy mavsumda poytaxt klubi Premyer-ligada 24 uchrashuvda 53 ochko jamg‘argan holda peshqadamlik qilmoqda.