«Арсенал»нинг собиқ ярим ҳимоячиси Александр Глеб Лондон клубининг жорий мавсумдаги муваффақиятли натижалари сири нимада эканлиги ҳақидаги саволга жавоб берди.
Глебнинг фикрича, клуб раҳбарияти Артета ва унинг штабига тўғри ишонич билдирган, улар эса, ўз навбатида, ўз услубларига мос таркибни йиға олишган.
"Артета — аллақачон топ-мураббий. Тўғри, Микелда ҳозирча салмоқли совринлар йўқ, лекин «тўпчилар» унинг қўл остида, эҳтимол, бугунги кунда дунёдаги энг яхши футболни намойиш этишмоқда", — деди Глеб «РБ Спорт»га берган интервьюсида.
Артета 2019 йилдан бери «Арсенал»ни бошқариб келмоқда. Жорий мавсумда пойтахт клуби Премьер-лигада 24 учрашувда 53 очко жамғарган ҳолда пешқадамлик қилмоқда.
