Germaniya Bundesligasining 21-turidan o‘rin olgan "Volfsburg" va Dortmundning "Borussiya" jamoalari o‘rtasidagi uchrashuv yakunlandi. Ushbu bahsda dortmundliklar 2:1 hisobida g‘alaba qozonishdi.
O‘yinda hisobni Yulian Brandt ochdi. "Borussiya" yarim himoyachisi birinchi bo‘lim yakunida, 38-daqiqada gol urishga muvaffaq bo‘ldi. Ikkinchi bo‘limning 52-daqiqasida mezbonlar himoyachisi Konstantinos Kulyerakis muvozanatni tikladi. Uchrashuv yakunida, 87-daqiqada mehmonlar hujumchisi Seru Girassi o‘z jamoasini oldinga olib chiqdi va yakuniy hisobni belgiladi.
Ushbu o‘yindan so‘ng Dortmundning "Borussiya" klubi 48 ochko bilan Bundesliga turnir jadvalida ikkinchi o‘rinda bormoqda. "Volfsburg" esi 19 ochko bilan 14-pog‘onada qoldi.
