Германия Бундеслигасининг 21-туридан ўрин олган "Вольфсбург" ва Дортмунднинг "Боруссия" жамоалари ўртасидаги учрашув якунланди. Ушбу баҳсда дортмундликлар 2:1 ҳисобида ғалаба қозонишди.

Ўйинда ҳисобни Юлиан Брандт очди. "Боруссия" ярим ҳимоячиси биринчи бўлим якунида, 38-дақиқада гол уришга муваффақ бўлди. Иккинчи бўлимнинг 52-дақиқасида мезбонлар ҳимоячиси Константинос Кульеракис мувозанатни тиклади. Учрашув якунида, 87-дақиқада меҳмонлар ҳужумчиси Серу Гирасси ўз жамоасини олдинга олиб чиқди ва якуний ҳисобни белгилади.

Ушбу ўйиндан сўнг Дортмунднинг "Боруссия" клуби 48 очко билан Бундеслига турнир жадвалида иккинчи ўринда бормоқда. "Вольфсбург" эси 19 очко билан 14-поғонада қолди.