APLning navbatdagi, 25-turida "Nyukasl" yana muvaffaqiyatsizlikka uchradi va turnir jadvalining ikkinchi yarmida qolishda davom etmoqda. Shunga qaramay, afsonaviy sobiq futbolchi Alan Shirer klub ustozi Eddi Xauning o‘rni hozirgi vaqtda xavf ostida ekaniga ishonmaydi.

"Vaziyat yaxshi ko‘rinmayotganini tushunaman, lekin Xauning o‘rni hozir xavf ostida deb o‘ylamayman. Ehtimol, yozgi transferlar unchalik muvaffaqiyatli chiqmagandir. Bunda Xauning aybi bormi? Bu bahsli savol, lekin hozir u shunchaki natijalarni yaxshilashi kerak, men esa hozircha uning lavozimiga nisbatan tahdid ko‘rmayapman", — deya afsonaviy hujumchining so‘zlaridan iqtibos keltiradi "BBC Sport".

Ushbu mag‘lubiyat natijasida "Nyukasl" APL turnir jadvalida 13-o‘ringa tushib ketdi.