АПЛнинг навбатдаги, 25-турида "Ньюкасл" яна муваффақиятсизликка учради ва турнир жадвалининг иккинчи ярмида қолишда давом этмоқда. Шунга қарамай, афсонавий собиқ футболчи Алан Ширер клуб устози Эдди Хаунинг ўрни ҳозирги вақтда хавф остида эканига ишонмайди.

"Вазият яхши кўринмаётганини тушунаман, лекин Хаунинг ўрни ҳозир хавф остида деб ўйламайман. Эҳтимол, ёзги трансферлар унчалик муваффақиятли чиқмагандир. Бунда Хаунинг айби борми? Бу баҳсли савол, лекин ҳозир у шунчаки натижаларни яхшилаши керак, мен эса ҳозирча унинг лавозимига нисбатан таҳдид кўрмаяпман", — дея афсонавий ҳужумчининг сўзларидан иқтибос келтиради "BBC Sport".

Ушбу мағлубият натижасида "Ньюкасл" АПЛ турнир жадвалида 13-ўринга тушиб кетди.