1998 yilda Fransiya terma jamoasi tarkibida jahon chempioni bo‘lgan Lionel Sharbonnye «PSJ»ning ikki darvozaboni — Lyuka Shevalye va Matvey Safonovni o‘zaro taqqosladi. Sharbonnye rossiyalik posbonni yuqoriroq baholadi.

«Hozirgi sharoitda, mening fikrimcha, Safonov Shevalyega qaraganda ancha ishonchli. U o‘z jarima maydonchasida o‘ziga ko‘proq ishonishini hisobga olaman. Menga Safonov turganda darvoza Shevalyenikiga qaraganda kichikroqdek tuyuladi. Safonov chiziqdan oldinroqqa chiqib o‘ynaydi va buning ustiga xarizmaga ega», — deya Sharbonnyening so‘zlarini keltiradi «RMC Sport».

Bugun, 8 fevral yakshanba kuni, «PSJ» Fransiya chempionati doirasida o‘z maydonida «Marsel»ga qarshi o‘yin o‘tkazadi. Parijliktar g‘alaba qozongan taqdirda, yana Liga 1ning yakka peshqadamiga aylanishadi.