1998 йилда Франция терма жамоаси таркибида жаҳон чемпиони бўлган Лионель Шарбоннье «ПСЖ»нинг икки дарвозабони — Люка Шевалье ва Матвей Сафоновни ўзаро таққослади. Шарбоннье россиялик посбонни юқорироқ баҳолади.
«Ҳозирги шароитда, менинг фикримча, Сафонов Шевальега қараганда анча ишончли. У ўз жарима майдончасида ўзига кўпроқ ишонишини ҳисобга оламан. Менга Сафонов турганда дарвоза Шевальеникига қараганда кичикроқдек туюлади. Сафонов чизиқдан олдинроққа чиқиб ўйнайди ва бунинг устига харизмага эга», — дея Шарбонньенинг сўзларини келтиради «RMC Sport».
Бугун, 8 февраль якшанба куни, «ПСЖ» Франция чемпионати доирасида ўз майдонида «Марсель»га қарши ўйин ўтказади. Парижликтар ғалаба қозонган тақдирда, яна Лига 1нинг якка пешқадамига айланишади.
