"Yuventus" Italiya chempionatining 24-turida o‘z maydonida "Lasio" bilan durang o‘ynadi - 2:2.
Mezbonlardan Ueston Makkenni va Per Kalyulyu, mehmonlardan Gustav Isaksen va Pedro Rodriges o‘z hisobiga gol yozdirib qo‘ydi. Shu bilan birga, Kalyulu 90+6-daqiqada "Yuventus" safida A Seriyadagi ilk o‘yinini o‘tkazgan hujumchi Jeremi Boganing uzatmasini golga aylantirdi.
Uchrashuvning 26-daqiqasida hisob 0:0 bo‘lib turganida VAR ko‘rigidan so‘ng "Yuventus" yarimhimoyachisi Ten Kopmeynersning goli (ofsayd) bekor qilindi.
"Lasio" 24 o‘yindan keyin 33 ochko bilan Italiya chempionati turnir jadvalida sakkizinchi o‘rinda bormoqda. "Yuventus" esa 24 o‘yindan keyin 46 ochko bilan to‘rtinchi pog‘onadan joy olgan.
