«Manchester Siti» bosh murabbiyi Xosep Gvardiola jamoa sardori Bernardu Silvaning bayonotiga izoh berdi.

Yakshanba kuni «Liverpul» ustidan qozonilgan g‘alabadan (2:1) so‘ng, portugaliyalik yarim himoyachi agar «Enfild»da mag‘lubiyatga uchralganda, chempionlik poygasi yakunlanishi mumkin edi, deb aytgandi. Hozirda marraga 13 tur qolganda «shaharliklar» «Arsenal»dan olti ochko ortda qolmoqda.

«Men vaziyatga optimistik ruhda qarayman. Bilaman, «Arsenal»ning o‘yinini hisobga olsak, to‘qqiz ochkolik farq — bu juda ko‘p. Ular yana uch-to‘rt marta mag‘lub bo‘lishadimi? Ehtimol, yo‘q. Ammo futbolda nima bo‘lishini hech qachon oldindan aytib bo‘lmaydi», — dedi Gvardiola matbuot anjumanida.

Chorshanba, 11 fevral kuni «Manchester Siti» o‘z maydonida «Fulxem» bilan to‘qnash keladi.