«Barselona» o‘zining rasmiy saytida Joan Laportaning klub prezidenti lavozimidan iste’foga chiqqanini e’lon qildi.

Iste’fo dushanba kuni bo‘lib o‘tgan direktorlar kengashi yig‘ilishida rasman rasmiylashtirildi. Laportaning lavozimidan ketishi «Barselona» prezidentligi uchun o‘tkaziladigan saylov jarayoni bilan bog‘liq. Joan yangi muddatga o‘z nomzodini qo‘yish huquqiga ega bo‘lishi uchun amaldagi lavozimini tark etishi kerak edi.

«Barselona»ning yangi prezidenti uchun saylovlar 15 mart kuni bo‘lib o‘tadi.

Hozircha «Barselona» prezidenti vazifasini Rafael Yuste bajarib turadi.

Qo‘shimcha qilish joizki, «Barselona» Ispaniya chempionati turnir jadvalida peshqadamlik qilmoqda. Ikkinchi o‘rindagi «Real» kataloniyaliklardan bir ochko ortda qolmoqda.