8 fevral kuni «PSJ» Fransiya chempionatining 21-turi doirasida «Marsel»ni 5:0 hisobida mag‘lub etib, ishonchli g‘alabani qo‘lga kiritdi. Ushbu uchrashuv parijliklar safida debyut qilgan yangi o‘yinchi — Dro Fernandes uchun alohida ahamiyatga ega bo‘ldi.

Yarim himoyachi 75-daqiqada Senni Meyulyu o‘rniga maydonga tushdi. Fernandes maydonda o‘tkazgan qisqa vaqt ichida 6 ta aniq uzatma, 1 ta samarali dribling va raqiblar tomonidan unga nisbatan ishlatilgan 3 ta folni amalga oshirishga ulgurdi.

«Bu mening birinchi o‘yinim edi, men juda baxtliman. O‘zimni uydagidek his qildim, hammasi ko‘ngildagidek o‘tgani uchun xodimlarga va jamoadoshlarimga minnatdorchilik bildiraman. Stadiondagi muhitmi? Bu shunchaki aql bovar qilmaydigan darajada! Muxlislarga qo‘llab-quvvatlaganlari uchun rahmat aytaman», — deya Fernandesning so‘zlarini keltirmoqda klub rasmiy sayti.

«PSJ» Fernandes transferi uchun «Barselona»ga 8 million yevro to‘ladi. Futbolchi 2030 yilgacha mo‘ljallangan shartnomaga imzo chekkan.