«Liverpul» sobiq futbolchisi Jeymi Karrager Angliya Premyer-ligasining 25-turidan o‘rin olgan «Manchester Siti»ga qarshi o‘yinda (1:2) yarim himoyachi Dominik Soboslaining chetlatilishiga izoh berdi.
Ikkinchi bo‘limga qo‘shib berilgan vaqtda vengriyalik xavbek Erling Xolandga nisbatan oxirgi chora folini ishlatgani uchun qizil kartochka oldi.
«Soboslaidan ahmoqona qaror. Menimcha, shunchaki vaziyat davom etishiga qo‘yib berish kerak edi va gol urilardi — hech kim bundan shikoyat qilmagan bo‘lardi deb o‘ylayman», — deya ekspertning so‘zlarini keltirmoqda Metro nashri.
Ushbu g‘alabadan so‘ng «shaharliklar» peshqadam «Arsenal» bilan oradagi farqni olti ochkogacha qisqartirishdi. «Liverpul» esa oltinchi o‘rinni saqlab qoldi — «qizillar» hisobida ayni damda 39 ochko mavjud.
