Hujumchi Krishtianu Ronaldu "An-Nasr" qarorgohidan olingan suratni ijtimoiy tarmoqlarga joylashtirdi.
Avvalroq portugaliyalik futbolchi Saudiya Arabistoni chempionati doirasidagi "Ar-Riyod" va "Al-Ittihod"ga qarshi uchrashuvlarni o‘tkazib yuborgan edi. Xabarlarga ko‘ra, Ronaldu Saudiya Arabistoni Suveren jamg‘armasi (PIF) "An-Nasr"ni raqobatchilariga nisbatan boshqarish usulidan norozi bo‘lgan va klubga chempionlik uchun kurashda to‘sqinlik qilinmoqda deb hisoblagan. Shuningdek, u Karim Benzemaning "Al-Hilol"ga o‘tishi "raqobatga zarar yetkazishi" sababli bu transferga qarshi chiqqan edi.
9 fevral kuni Ronaldu o‘z boykotini (ish tashlashini) to‘xtatgani haqida ma’lumot paydo bo‘ldi — "An-Nasr" xodimlarning ish haqidan bo‘lgan qarzlarini to‘lab bergan.
Bugun portugaliyalik yulduz klub qarorgohidan surat joylab, o‘z postida "An-Nasr"ni belgilab o‘tdi.














