"Manchester Siti" bosh murabbiyi Xosep Gvardiola Angliya chempionati doirasidagi "Fulxem"ga qarshi bo‘lib o‘tadigan o‘yin haqida o‘z fikrlarini bildirdi.
"Fulxem" har mavsumda yaxshilanib bormoqda. Ularning maydondagi harakatlari... ular haqiqatan ham juda yaxshi. O‘yin uslublari, ijro sifati, tezlik — hammasi eng yuqori darajada. Marku Silva — men to‘qnash kelgan eng yaxshi murabbiylardan biri. U bir necha yildan keyin shubhasiz eng top murabbiylardan biriga aylanadi", — dedi Gvardiola matbuot anjumanida.
Hozirda "Manchester Siti" Premyer-ligada ikkinchi o‘rinni egallab turibdi (50 ochko), "Fulxem" esa 10-o‘rinda (34 ochko). Jamoalar o‘rtasidagi uchrashuv 11 fevral kuni Toshkent vaqti bilan soat 00:30 da (12 fevralga o‘tar kechasi) boshlanadi.













