"Манчестер Сити" бош мураббийи Хосеп Гвардиола Англия чемпионати доирасидаги "Фулхэм"га қарши бўлиб ўтадиган ўйин ҳақида ўз фикрларини билдирди.

"Фулхэм" ҳар мавсумда яхшиланиб бормоқда. Уларнинг майдондаги ҳаракатлари... улар ҳақиқатан ҳам жуда яхши. Ўйин услублари, ижро сифати, тезлик — ҳаммаси энг юқори даражада. Марку Силва — мен тўқнаш келган энг яхши мураббийлардан бири. У бир неча йилдан кейин шубҳасиз энг топ мураббийлардан бирига айланади", — деди Гвардиола матбуот анжуманида.

Ҳозирда "Манчестер Сити" Премьер-лигада иккинчи ўринни эгаллаб турибди (50 очко), "Фулхэм" эса 10-ўринда (34 очко). Жамоалар ўртасидаги учрашув 11 февраль куни Тошкент вақти билан соат 00:30 да (12 февралга ўтар кечаси) бошланади.