«Manchester Yunayted» bosh murabbiyi Maykl Kerrik «Vest Xem» bilan o‘yindan (1:1) keyingi taassurotlari bilan o‘rtoqlashdi.
«Qizil iblislar» uchrashuv so‘nggida mag‘lubiyatdan qutulib qolishdi: mehmonlarga durang keltirgan gol 96-daqiqada Benyamin Sheshko tomonidan kiritildi.
«Biz o‘zimizning eng yaxshi o‘yinimizni ko‘rsata olmadik va bu albatta hafsalani pir qiladi. «Vest Xem» maydonida o‘ynash juda qiyin, bizga kerakli natijaga erishish uchun shiddat yetishmadi. Jamoaning kayfiyati hamon yuqori, oldinga intilishda davom etishimiz kerak.
Bugun oson bo‘lmadi, lekin shunga qaramay bir ochko ishladik. E’tiborimizni ijobiy jihatlarga qaratishga harakat qilamiz», — dedi Kerrik TNT Sports bilan suhbatda.
«Manchester Yunayted» Premyer-liga jadvalida to‘rtinchi o‘rinni saqlab qoldi.
