«Манчестер Юнайтед» бош мураббийи Майкл Кэррик «Вест Хэм» билан ўйиндан (1:1) кейинги таассуротлари билан ўртоқлашди.
«Қизил иблислар» учрашув сўнггида мағлубиятдан қутулиб қолишди: меҳмонларга дуранг келтирган гол 96-дақиқада Беньямин Шешко томонидан киритилди.
«Биз ўзимизнинг энг яхши ўйинимизни кўрсата олмадик ва бу албатта ҳафсалани пир қилади. «Вест Хэм» майдонида ўйнаш жуда қийин, бизга керакли натижага эришиш учун шиддат етишмади. Жамоанинг кайфияти ҳамон юқори, олдинга интилишда давом этишимиз керак.
Бугун осон бўлмади, лекин шунга қарамай бир очко ишладик. Эътиборимизни ижобий жиҳатларга қаратишга ҳаракат қиламиз», — деди Кэррик TNT Sports билан суҳбатда.
«Манчестер Юнайтед» Премьер-лига жадвалида тўртинчи ўринни сақлаб қолди.
