«Yuventus» hujumchisi Dushan Vlaxovichning «Barselona»ga o‘tishi borasidagi xabarlar faol tarqalmoqda.

Serbiyalik futbolchi «ko‘k-anorranglilar» safiga erkin agent sifatida kelib qo‘shilishi mumkin — uning shartnomasi shu yozda yakuniga yetadi. 

«Serbiya terma jamoasi murabbiyining bayonoti haqiqatga to‘g‘ri kelmaydi. Vlaxovich hech kim bilan kelishuvga erishgani yo‘q, hatto Ottolini [«Yuventus» sport direktori] ham shartnoma uzaytirilishi mumkinligini inkor etmayapti. «Barselona» haqiqatan ham oktyabr oyida Vlaxovich bilan bog‘langan, biroq ko‘p narsa Levandovski bilan bog‘liq vaziyatga bog‘liq», — dedi mashhur insayder Fabrisio Romano.

Dushan Vlaxovichga da’vogarlar qatorida, shuningdek, «Bavariya», «Milan» va boshqa klublar nomi ham tilga olingan edi.