«Ювентус» ҳужумчиси Душан Влаховичнинг «Барселона»га ўтиши борасидаги хабарлар фаол тарқалмоқда.

Сербиялик футболчи «кўк-анорранглилар» сафига эркин агент сифатида келиб қўшилиши мумкин — унинг шартномаси шу ёзда якунига етади. 

«Сербия терма жамоаси мураббийининг баёноти ҳақиқатга тўғри келмайди. Влахович ҳеч ким билан келишувга эришгани йўқ, ҳатто Оттолини [«Ювентус» спорт директори] ҳам шартнома узайтирилиши мумкинлигини инкор этмаяпти. «Барселона» ҳақиқатан ҳам октябрь ойида Влахович билан боғланган, бироқ кўп нарса Левандовски билан боғлиқ вазиятга боғлиқ», — деди машҳур инсайдер Фабрицио Романо.

Душан Влаховичга даъвогарлар қаторида, шунингдек, «Бавария», «Милан» ва бошқа клублар номи ҳам тилга олинган эди.