«Yuventus» va Italiya terma jamoasining afsonaviy sobiq darvozaboni Janluiji Buffon Krishtianu Ronaldu haqidagi fikrlari bilan o‘rtoqlashdi.
"U biz unga qarshi o‘ynagan har bir o‘yinda menga gol urardi. Faqat men maydondan chetlatilgan o‘yingina bundan mustasno bo‘lgan, ammo qizil kartochka olganimdan keyin ham u baribir gol urdi. Ronalduga qarshi o‘yinlar oldidan kechasi uxlash imkonsiz edi. U shiddatli, shafqatsiz va tezkor, doimo raqiblaridan besh metr oldinda yuradi. Men hech qachon bunday futbolchini ko‘rmaganman. U jarima maydonchasi ichida haqiqiy yirtqich edi va doimo «o‘ldirishga» tayyor turardi", — deya mashhur italiyalikning so‘zlarini Italiya OAVlari keltirmoqda.
Janluiji Buffon 2023 yilda faoliyatini yakunlagan edi. Yaqinda 41 yoshini qarshi olgan Krishtianu Ronaldu esa hamon «Al-Nasr» safida to‘p surishda davom etmoqda.













