«Marsel» Roberto De Dzerbining bosh murabbiy lavozimidan iste’foga chiqarilganini e’lon qildi.

Ta’kidlanishicha, hamkorlik tomonlarning o‘zaro roziligi asosida to‘xtatilgan.

«Klub rahbariyatidagi barcha manfaatdor tomonlar — egasi, prezidenti, texnik direktori va De Dzerbi bilan o‘tkazilgan muzokaralardan so‘ng, asosiy jamoa murabbiyini o‘zgartirishga qaror qilindi. Bu mavsumning qolgan qismidagi vazifalarni bajarish yo‘lida, klub manfaatlarini ko‘zlab, sinchkovlik bilan ko‘rib chiqilgan qiyin jamoaviy qaror bo‘ldi. «Marsel» De Dzerbiga sodiqligi, fidoyiligi, professionalligi va jiddiy yondashuvi uchun minnatdorchilik bildiradi, bu ayniqsa jamoaning 2024/25 yilgi mavsumda [Liga 1da] ikkinchi o‘rinni egallashida yaqqol namoyon bo‘lgan edi», — deyiladi klub bayonotida.

Fransiya chempionatining 21-turidan so‘ng «Marsel» 4-o‘rinni egallab turibdi. Chempionlar ligasining umumiy bosqichida esa «olimpiyachilar» 25-o‘rinni qayd etishdi va pley-offga chiqa olishmadi.