"Barselona" sport direktori Deku Joan Laporta bilan ishlash haqida gapirdi.

Viktor Font agar saylovda g‘alaba qozonsa, Deku unga ergashmaydi, deb aytdi. Nima deb o‘ylaysiz?

- Men bu ishga aralashmoqchi emasman. Men Joanning loyihasiga, rekonstruksiya loyihasiga ishonganim uchun keldim, agar qolsam, faqat Joanning loyihasiga ishonganim uchun. Albatta, agar Joan bu yerda bo‘lmasa, hammasi o‘zgarib ketadi, shuning uchun men qolmayman. Gap Viktor Font yoki boshqa birovda emas. Bu mening e’tiqodim va hayotim masalasi, agar biror narsa meni qoniqtirmasa, men ketaman, vassalom. Menda tanlash erkinligi bor. Men qamoqda emasman. Men bu yerga g‘oya uchun keldim, chunki "Barsa"da o‘ynaganman va yordam bermoqchi edim.

- Laporta bilan yaxshi ishlaysizmi?

- Menda erkinlik bor, chunki g‘olib "Barsa"ni qurishda ishonchga sazovor bo‘ldim. Sport qarorlarini qabul qilish qiyin, ularni murabbiy bilan kelishish qiyin, chunki murabbiy bu lavozimda besh yildan ortiq ishlashi qiyin.

Menimcha, biz xodimlarni qayta shakllantira oldik va bu xo‘jayinga bo‘lgan ishonchni mustahkamlaydi. Men erkinman, lekin prezident bilmaydigan ish qilmayman, - dedi Deku.