"Барселона" спорт директори Деку Жоан Лапорта билан ишлаш ҳақида гапирди.

Виктор Фонт агар сайловда ғалаба қозонса, Деку унга эргашмайди, деб айтди. Нима деб ўйлайсиз?

- Мен бу ишга аралашмоқчи эмасман. Мен Жоаннинг лойиҳасига, реконструкция лойиҳасига ишонганим учун келдим, агар қолсам, фақат Жоаннинг лойиҳасига ишонганим учун. Албатта, агар Жоан бу ерда бўлмаса, ҳаммаси ўзгариб кетади, шунинг учун мен қолмайман. Гап Виктор Фонт ёки бошқа бировда эмас. Бу менинг эътиқодим ва ҳаётим масаласи, агар бирор нарса мени қониқтирмаса, мен кетаман, вассалом. Менда танлаш эркинлиги бор. Мен қамоқда эмасман. Мен бу ерга ғоя учун келдим, чунки "Барса"да ўйнаганман ва ёрдам бермоқчи эдим.

- Лапорта билан яхши ишлайсизми?

- Менда эркинлик бор, чунки ғолиб "Барса"ни қуришда ишончга сазовор бўлдим. Спорт қарорларини қабул қилиш қийин, уларни мураббий билан келишиш қийин, чунки мураббий бу лавозимда беш йилдан ортиқ ишлаши қийин.

Менимча, биз ходимларни қайта шакллантира олдик ва бу хўжайинга бўлган ишончни мустаҳкамлайди. Мен эркинман, лекин президент билмайдиган иш қилмайман, - деди Деку.