Ispaniya Kubogining yarim final bosqichi reglamentiga ko‘ra, g‘olib ikki o‘yin natijasiga ko‘ra aniqlanadi. Payshanba kuni «Atletiko» va «Barselona» Madridda qarama-qarshilikning birinchi qismini o‘tkazishadi. Kataloniyaliklar ustozi Xans-Diter Flik javob o‘yini borligini yodda tutish qanchalik muhimligi haqidagi savolga javob berdi.

«G‘olibni ikkita o‘yin belgilab beradi. Agar o‘tgan mavsumni eslasak, juda qiyin bo‘lgan edi. O‘shanda dastlab o‘z uyimizda o‘ynagandik va bu aql bovar qilmas bahs bo‘lgandi. Bizni 180 daqiqadan ko‘proq vaqt kutmoqda — har ikki o‘yinni ham yuqori darajada o‘tkazishimiz kerak. Biz tayyormiz va finalga chiqishni istaymiz», — dedi Flik matbuot anjumanida.

Eslatib o‘tamiz, o‘tgan mavsumda ham «Barselona» va «Atletiko» aynan yarim finalda to‘qnash kelishgan edi. O‘shanda «ko‘k-anorranglilar» maydonida 4:4 hisobidagi durang qayd etilgan, Madridda esa kataloniyaliklar 1:0 hisobida g‘alaba qozonishgan edi.