ESPN nashri Angliya Premyer-ligasi tarixidagi eng muvaffaqiyatsiz 50 ta transfer reytingini e’lon qildi. Ushbu ro‘yxatda birinchi o‘rinni «Chelsi» tomonidan «Shaxtyor»dan 70 million yevro evaziga sotib olingan ukrainalik yarim himoyachi Mixail Mudrik egalladi.
Eng yomon o‘nta transfer qatoridan quyidagilar joy oldi:
-
Mixail Mudrik — «Shaxtyor»dan «Chelsi»ga (70 mln yevro).
-
Antoni — «Ayaks»dan «Manchester Yunayted»ga (95 mln yevro).
-
Nikolya Pepe — «Lill»dan «Arsenal»ga (80 mln yevro).
-
Ali Dia — «Sautgempton»ga erkin agent sifatida.
-
Deniyel Drinkuoter — «Lester»dan «Chelsi»ga (37,9 mln yevro).
-
Rikardo Alvares — «Inter»dan «Sanderlend»ga (10,5 mln yevro).
-
Romelu Lukaku — «Inter»dan «Chelsi»ga (113 mln yevro).
-
Jeydon Sancho — «Borussiya D»dan «Manchester Yunayted»ga (85 mln yevro).
-
Tomas Brolin — «Parma»dan «Lids Yunayted»ga (5,3 mln yevro).
-
Kalvin Fillips — «Lids Yunayted»dan «Manchester Siti»ga (49 mln yevro).
2024 yil dekabr oyida Mixail Mudrikning doping-probasida taqiqlangan moddalar ro‘yxatiga kiritilgan meldoniy aniqlangan edi. O‘sha vaqtga qadar ukrainalik yarim himoyachi «Chelsi» safida 73 ta o‘yinda maydonga tushib, 10 ta gol va 11 ta golli uzatmani amalga oshirgan edi. Uning so‘nggi rasmiy o‘yini 2024/2025 yilgi mavsum Konferensiyalar Ligasi guruh bosqichi doirasidagi «Xaydenxaym»ga qarshi bahs (2:0) bo‘lib, unda Mudrik gol urishga muvaffaq bo‘lgandi.
