Madridning «Real» klubi o‘ng qanot himoyachisi Trent Aleksandr-Arnold tez orada jamoaning asosiy tarkibiga qaytadi.
Angliyalik futbolchi dekabr oyi boshidan beri maydonga tushishiga to‘sqinlik qilgan jarohatidan qutuldi. O‘tgan yakshanba kuni 27 yoshli futbolchi ikki oylik tanaffusdan so‘ng ilk bor La Liganing «Valensiya»ga qarshi bahsi yakunida zaxiradan maydonga tushdi. «Marca» nashrining xabariga ko‘ra, jamoa ustozi Alvaro Arbeloa Chempionlar ligasi pley-off bosqichi doirasidagi «Benfika»ga qarshi dastlabki uchrashuvda Trentni ilk daqiqalardan maydonga tushirishni rejalashtirmoqda.
«Qaymoqranglilar» Lissabon jamoasi bilan 17 fevral kuni safarda o‘ynashadi, sakkiz kundan keyin esa Madridda javob uchrashuvi bo‘lib o‘tadi.
Madrid grandining eng yaqin o‘yini 14 fevral kuni «Real Sosyedad»ga qarshi bo‘lib o‘tadi.
