Мадриднинг «Реал» клуби ўнг қанот ҳимоячиси Трент Александр-Арнольд тез орада жамоанинг асосий таркибига қайтади.
Англиялик футболчи декабрь ойи бошидан бери майдонга тушишига тўсқинлик қилган жароҳатидан қутулди. Ўтган якшанба куни 27 ёшли футболчи икки ойлик танаффусдан сўнг илк бор Ла Лиганинг «Валенсия»га қарши баҳси якунида захирадан майдонга тушди. «Marca» нашрининг хабарига кўра, жамоа устози Альваро Арбелоа Чемпионлар лигаси плей-офф босқичи доирасидаги «Бенфика»га қарши дастлабки учрашувда Трентни илк дақиқалардан майдонга туширишни режалаштирмоқда.
«Қаймоқранглилар» Лиссабон жамоаси билан 17 февраль куни сафарда ўйнашади, саккиз кундан кейин эса Мадридда жавоб учрашуви бўлиб ўтади.
Мадрид грандининг энг яқин ўйини 14 февраль куни «Реал Сосьедад»га қарши бўлиб ўтади.
