«Manchester Siti» futbolchisi Antuan Semenyo jamoasining Premyer-liga chempionligi uchun kurashdagi imkoniyatlarini qanday baholashi haqida gapirib berdi.

Chorshanba kuni «shaharliklar» «Fulxem»ni yirik (3:0) hisobda mag‘lub etishdi va turnir jadvalida peshqadamlik qilayotgan «Arsenal» bilan oradagi farqni 3 ochkogacha qisqartirishdi.

«Rostini aytsam, bu men uchun yangilik. Titul uchun kurashish yoqimli, ammo shu bilan birga, bu jiddiy bosim va yuqori talab demakdir. Menimcha, bizda buni uddalay oladigan darajada kuchli jamoa bor. Oldinda yana 12 ta o‘yin kutib turibdi — biz shu ruhda davom etishimiz kerak», — dedi Semenyo TNT Sports telekanaliga bergan intervyusida.

Bugun «Arsenal» safarda «Brentford»ga qarshi bahs olib boradi.