Madridning «Atletiko» klubi bosh murabbiyi Diyego Simeone «Barselona» ustozi Xans-Diter Flik haqidagi fikrlari bilan o‘rtoqlashdi.

Bugun «matraschilar» Ispaniya Kubogi yarim finalining dastlabki uchrashuvida o‘z maydonlarida «ko‘k-anorranglilar»ni qabul qilishadi.

«Flikka qoyil qolish kerak, chunki u yuqori himoya chizig‘i bilan o‘ynashda davom etmoqda, «bo‘g‘ib qo‘yuvchi» pressingga urg‘u bermoqda va o‘z futbolchilarini shunday xavfli uslubda o‘ynashga muvaffaqiyatli ishontira olmoqda», — dedi Simeone matbuot anjumanida.

Jamoalar o‘rtasidagi bahs Toshkent vaqti bilan tungi soat 01:00 da boshlanadi. Javob uchrashuvi 3 mart kuniga rejalashtirilgan.

Xans-Diter Flik 2024 yilning yozida «Barselona» boshqaruvini qo‘lga olgan edi.