Мадриднинг «Атлетико» клуби бош мураббийи Диего Симеоне «Барселона» устози Ханс-Дитер Флик ҳақидаги фикрлари билан ўртоқлашди.
Бугун «матрасчилар» Испания Кубоги ярим финалининг дастлабки учрашувида ўз майдонларида «кўк-анорранглилар»ни қабул қилишади.
«Фликка қойил қолиш керак, чунки у юқори ҳимоя чизиғи билан ўйнашда давом этмоқда, «бўғиб қўювчи» прессингга урғу бермоқда ва ўз футболчиларини шундай хавфли услубда ўйнашга муваффақиятли ишонтира олмоқда», — деди Симеоне матбуот анжуманида.
Жамоалар ўртасидаги баҳс Тошкент вақти билан тунги соат 01:00 да бошланади. Жавоб учрашуви 3 март кунига режалаштирилган.
Ханс-Дитер Флик 2024 йилнинг ёзида «Барселона» бошқарувини қўлга олган эди.
