«Barselona» chap qanot himoyachisi Alexandro Balde La Ligada o‘z pozisiyasi bo‘yicha eng ishonchli himoyachi bo‘lib turibdi.

«Barca Universal» xabariga ko‘ra, Baldeni har o‘yinda o‘rtacha 0,2 marta aldab o‘tishmoqda. Bu Ispaniya chempionatidagi chap qanot himoyachilari orasida eng yaxshi ko‘rsatkichdir. Taqqoslash uchun, «Real» a’zosi Alvaro Karreras o‘rtacha 0,8 marta aldab o‘tilmoqda.

Joriy mavsumda 22 yoshli Balde barcha musobaqalarda 30 ta o‘yinda ishtirok etdi va 3 ta golli uzatmani amalga oshirdi.