«Manchester Siti» bosh murabbiyi Xosep Gvardiola jamoa hujumchisi Antuan Semenyoning o‘yini haqida o‘z fikrlari bilan o‘rtoqlashdi.

«Semenyo juda ko‘p gol urmoqda! Unda jarima maydonchasi ichida to‘pni egallab olish borasida ajoyib sezgi bor, lekin gap faqat bunda emas! Tezlik, intensivlik, to‘p nazorati... Yuqori daraja! Klub Mark Gexi va Antuanni sotib olib, aql bovar qilmas xaridlarni amalga oshirganini aytgandim», — deya Gvardiolaning so‘zlarini keltirmoqda «City Report».

Eslatib o‘tamiz, Semenyo qishki transfer oynasida «Bornmut»dan «Manchester Siti»ga o‘tgan edi. «Shaharliklar» tarkibida vinger 8 ta o‘yinda maydonga tushib, 5 ta gol urdi va 2 ta golli uzatmani amalga oshirdi.