«Манчестер Сити» бош мураббийи Хосеп Гвардиола жамоа ҳужумчиси Антуан Семеньонинг ўйини ҳақида ўз фикрлари билан ўртоқлашди.

«Семеньо жуда кўп гол урмоқда! Унда жарима майдончаси ичида тўпни эгаллаб олиш борасида ажойиб сезги бор, лекин гап фақат бунда эмас! Тезлик, интенсивлик, тўп назорати... Юқори даража! Клуб Марк Гехи ва Антуанни сотиб олиб, ақл бовар қилмас харидларни амалга оширганини айтгандим», — дея Гвардиоланинг сўзларини келтирмоқда «City Report».

Эслатиб ўтамиз, Семеньо қишки трансфер ойнасида «Борнмут»дан «Манчестер Сити»га ўтган эди. «Шаҳарликлар» таркибида вингер 8 та ўйинда майдонга тушиб, 5 та гол урди ва 2 та голли узатмани амалга оширди.