BAA ikkinchi ligasi vakili "Al-Ittifoq" hujumchisi Mario Balotelli "Dubay Siti"ga qarshi o‘yinda irqchilik ruhidagi haqoratlarga duch kelganini aytdi.

"Men har doim irqchilik ko‘rinishlarini qoralaganman, lekin bu yerda ularga duch kelishimni kutmagandim. Umid qilamanki, kelajakda buning oldini olish uchun jiddiy choralar ko‘riladi.
O‘yin davomida meni bir necha marta irqiy sabablarga ko‘ra haqorat qilishdi. Menga bir necha marta "banan yegin", deb qichqirishdi.

Futbolda ham, jamiyatda ham irqchilikka o‘rin yo‘q. Bunday xatti-harakatlarni normallashtirish, oqlash yoki e’tiborsiz qoldirish mumkin emas. Men bu haqda muammoga e’tiborni jalb qilish uchun gapiryapman - nafaqat o‘zim uchun, balki bunday vaziyatga duch kelgan har bir futbolchi uchun ham. Yetarli", - deb yozdi "Inter", "Milan", "Manchester Siti", "Liverpul" va Italiya terma jamoasi sobiq forvardi instagramda.