БАА иккинчи лигаси вакили "Ал-Иттифоқ" ҳужумчиси Марио Балотелли "Дубай Сити"га қарши ўйинда ирқчилик руҳидаги ҳақоратларга дуч келганини айтди.
"Мен ҳар доим ирқчилик кўринишларини қоралаганман, лекин бу ерда уларга дуч келишимни кутмагандим. Умид қиламанки, келажакда бунинг олдини олиш учун жиддий чоралар кўрилади.
Ўйин давомида мени бир неча марта ирқий сабабларга кўра ҳақорат қилишди. Менга бир неча марта "банан егин", деб қичқиришди.
Футболда ҳам, жамиятда ҳам ирқчиликка ўрин йўқ. Бундай хатти-ҳаракатларни нормаллаштириш, оқлаш ёки эътиборсиз қолдириш мумкин эмас. Мен бу ҳақда муаммога эътиборни жалб қилиш учун гапиряпман - нафақат ўзим учун, балки бундай вазиятга дуч келган ҳар бир футболчи учун ҳам. Етарли", - деб ёзди "Интер", "Милан", "Манчестер Сити", "Ливерпуль" ва Италия терма жамоаси собиқ форварди инстаграмда.
