"Liverpul" sardori Virjil van Deyk Ibrahima Konatening jamoada qolishini istamoqda. Fransuzning amaldagi shartnomasi yozda yakunlanadi va mish-mishlar uni "Real" bilan bog‘lamoqda.

"Men Konatening qolishini istayman. U maydonda muhim figura - buni hamma ko‘rib turibdi. Ammo maydondan tashqarida ham u yetakchilardan biri. Menimcha, u jahon darajasidagi markaziy himoyachi. Men faqat o‘zimga bog‘liq bo‘lgan ishni qila olaman. Buni klub, uning agentlari va Konatening o‘zi hal qiladi. Ko‘ramiz, hammasi qanday yakun toparkin", - deya van Deykning so‘zlarini keltiradi Goal portali.

Chorshanba kuni Virjil van Deykning goli "Liverpul"ga safarda "Sanderlend" ustidan g‘alaba keltirdi. "Qizillar" APL jadvalida oltinchi o‘rinni egallab turibdi.