«PSJ» bosh murabbiyi Luis Enrike Fransiya Liga 1 musobaqasining 22-turi doirasidagi «Renn»ga qarshi o‘yin oldidan jamoa darvozabonlari atrofidagi vaziyatga to‘xtalib o‘tdi.

Murabbiyning ta’kidlashicha, tarkib borasida qat’iy belgilab qo‘yilgan tartib mavjud emas va tanlov vaziyatga qarab o‘zgarib borishi mumkin.

«Men tarkibga tanlab oladigan futbolchilarim bilan birgalikda o‘yinni mukammallashtirish imkoniyatini qadrlayman. Bu aniq bir reja emas; biz murabbiylar shtabi sifatida jamoa uchun eng yaxshi deb hisoblagan ishni qilishda davom etishimiz kerak. Mavsum davomida jarohatlar yoki mening qarorlarim tufayli vaziyat o‘zgarib turadi. Biz jamoaviy o‘yinni yaxshilash uchun doimo ochiqmiz. Hech qanday iyerarxiya yoki pozisiyalar — birinchi, ikkinchi yoki uchinchi raqam tushunchasi yo‘q. Men doim jamoani kuchaytirishga intilaman», — deya Enrikening so‘zlarini keltirmoqda «RMC Sport».

Fransiya chempionatining 21 turidan so‘ng «PSJ» 51 ochko jamg‘argan holda turnir jadvalida peshqadamlik qilmoqda. «Renn» esa 31 ochko bilan oltinchi o‘rinda bormoqda.