«Barselona» Ispaniya Kubogi yarim finalining «Atletiko»ga qarshi dastlabki o‘yinidagi (0:4) hakamlik yuzasidan Ispaniya Qirollik futbol federasiyasiga (RFEF) rasmiy shikoyat berish imkoniyatini ko‘rib chiqmoqda.
Uchrashuvda bosh hakam sifatida Xuan Martines Munuera faoliyat olib bordi. O‘yinning ikkinchi bo‘limida, hisob 0:4 bo‘lib turgan paytda, hakam 6 daqiqalik videokuzatuvdan so‘ng «Barsa» himoyachisi Pau Kubarsining golini inobatga olmadi. Aynan o‘sha vaziyatda offsaydni yarim avtomatik aniqlash tizimi ishdan chiqqanligi ma’lum bo‘ldi.
Kataloniyaliklar bosh murabbiyi Xansi Flik o‘yindagi hakamlikni keskin tanqid qildi: Sharmandalik. Falokat. «Barsa»ga hech narsa deyishmadi, hech qanday aloqa bo‘lmadi. Bu nima uchun offsayd ekanligini tushunmayapman.
