«Барселона» Испания Кубоги ярим финалининг «Атлетико»га қарши дастлабки ўйинидаги (0:4) ҳакамлик юзасидан Испания Қироллик футбол федерациясига (RFEF) расмий шикоят бериш имкониятини кўриб чиқмоқда.
Учрашувда бош ҳакам сифатида Хуан Мартинес Мунуэра фаолият олиб борди. Ўйиннинг иккинчи бўлимида, ҳисоб 0:4 бўлиб турган пайтда, ҳакам 6 дақиқалик видеокузатувдан сўнг «Барса» ҳимоячиси Пау Кубарсининг голини инобатга олмади. Айнан ўша вазиятда оффсайдни ярим автоматик аниқлаш тизими ишдан чиққанлиги маълум бўлди.
Каталонияликлар бош мураббийи Ханси Флик ўйиндаги ҳакамликни кескин танқид қилди: Шармандалик. Фалокат. «Барса»га ҳеч нарса дейишмади, ҳеч қандай алоқа бўлмади. Бу нима учун оффсайд эканлигини тушунмаяпман.
