Angliya Premyer-ligasida yanvar oyi yakunlariga ko‘ra eng yaxshi futbolchi aniqlandi. Sovrinni «Brentford» hujumchisi Igor Tyago qo‘lga kiritdi.
O‘tgan oyda Tyago Angliya chempionati doirasida «Brentford»ning beshta o‘yinida maydonga tushdi. Ularda braziliyalik futbolchi o‘z hisobiga beshta gol yozib qo‘ydi.
Igor Tyago 17 ta gol bilan hozirda Premyer-liga mavsumi to‘purarlar poygasida ikkinchi o‘rinni egallab turibdi. Peshqadam, albatta, hisobida 22 ta gol bo‘lgan Erling Xoland.
«Brentford» ayni damda Premyer-liga turnir jadvalida yettinchi o‘rinda bormoqda. «Asalarilar» chempionatdagi navbatdagi o‘yinini 21 fevral kuni o‘z maydonida «Brayton»ga qarshi o‘tkazadi.
