Xorvatiyalik yarim himoyachi Luka Modrich Italiya chempionatida yanada uzoqroq muddatga qolishi mumkin.
«La Gazzetta dello Sport» nashri xabar berishicha, "Milan" rahbariyati mavsum yakunida xavbekka shartnomani yana bir mavsumga uzaytirishni taklif qilishi mumkin. Hozirgi kelishuv 2026 yilning yoziga qadar mo‘ljallangan bo‘lib, unda shartnomani yana bir yilga uzaytirish opsiyasi mavjud.
Qayd etilishicha, futbolchining o‘zi ham jamoadagi faoliyatidan mamnun, biroq kelajagi borasida hali yakuniy qarorga kelgani yo‘q.
Modrich ushbu mavsumda A Seriyada 22 ta o‘yin o‘tkazib, bitta gol urdi va uchta golli uzatmani amalga oshirdi. U milanliklar safida 2025 yilning yozidan beri to‘p surib kelmoqda.
