Insayder Fabrisio Romano APLning «Nottingem Forest» klubini portugaliyalik mutaxassis Vitor Pereyra boshqarishini tasdiqladi. Manbaga ko‘ra, Pereyra klub bilan joriy mavsum yakuniga qadar mo‘ljallangan shartnoma imzolaydi.

Eslatib o‘tamiz, hafta davomida ""o‘rmonchilar"" Shon Daychni iste’foga chiqarishgan edi. Klub APL turnir jadvalida bor-yo‘g‘i 17-o‘rinni egallab turibdi va xavfli zonadan atigi uch ochko oldinda. Daych ishdan bo‘shatilishidan oldin «Nottingem Forest» liganing eng kuchsiz jamoasi — «Vulverxempton» bilan golsiz durang (0:0) o‘ynagan edi.

Qiziq jihati shundaki, Pereyra joriy mavsum davomida aynan «Vulverxempton»dan natijalar yomonligi sababli haydalgan edi (jamoa uning qo‘l ostida dastlabki 10 o‘yinda g‘alaba qozona olmagan). Ammo o‘tgan mavsumda u ""bo‘rilar""ni APLda olib qolishga muvaffaq bo‘lgan va hatto aprel oyida ""Oyning eng yaxshi murabbiyi"" deb topilgan edi.