Инсайдер Фабрицио Романо АПЛнинг «Ноттингем Форест» клубини португалиялик мутахассис Витор Перейра бошқаришини тасдиқлади. Манбага кўра, Перейра клуб билан жорий мавсум якунига қадар мўлжалланган шартнома имзолайди.
Эслатиб ўтамиз, ҳафта давомида ""ўрмончилар"" Шон Дайчни истеъфога чиқаришган эди. Клуб АПЛ турнир жадвалида бор-йўғи 17-ўринни эгаллаб турибди ва хавфли зонадан атиги уч очко олдинда. Дайч ишдан бўшатилишидан олдин «Ноттингем Форест» лиганинг энг кучсиз жамоаси — «Вулверхэмптон» билан голсиз дуранг (0:0) ўйнаган эди.
Қизиқ жиҳати шундаки, Перейра жорий мавсум давомида айнан «Вулверхэмптон»дан натижалар ёмонлиги сабабли ҳайдалган эди (жамоа унинг қўл остида дастлабки 10 ўйинда ғалаба қозона олмаган). Аммо ўтган мавсумда у ""бўрилар""ни АПЛда олиб қолишга муваффақ бўлган ва ҳатто апрель ойида ""Ойнинг энг яхши мураббийи"" деб топилган эди.
