"Bavariya" bosh murabbiyi Vensan Kompani Bundesliganing "Verder"ga qarshi bo‘ladigan bo‘lajak o‘yini haqida o‘z fikrlari bilan o‘rtoqlashdi.
Kompanining ta’kidlashicha, raqibning turnir jadvalidagi o‘rnidan qat’i nazar, Germaniya chempionatida umuman oson o‘yinlar bo‘lmaydi. Shuningdek, mutaxassis "Verder"da hozir yangi murabbiy ishlayotganini va u jamoa o‘yinini qayta qurayotganini qayd etdi.
"Futbol nuqtai nazaridan ular yomon o‘ynashmayapti, shunchaki gollar yetishmadi. Agar umumiy manzaraga qarasangiz, ular o‘ylaganingizchalik yomon harakat qilishmadi. Bu yaxshi jamoa. Raqibda yangi murabbiy bo‘lganida, taktik jihatdan moslashuvchan bo‘lish va o‘z kuchli tomonlaringga yanada ko‘proq e’tibor qaratish kerak", — deya Kompanining so‘zlarini keltirmoqda "Bayern & Germany".
Germaniya chempionatining 22-turi doirasidagi "Verder" (16-o‘rin) va "Bavariya" (1-o‘rin) o‘rtasidagi uchrashuv bugun, 14 fevral kuni bo‘lib o‘tadi. O‘yin Toshkent vaqti bilan 19:30 da boshlanadi.
